Շնորհակալություն ենք հայտնում ՀՀ Վայոց ձորի մարզպետարանի պաշտոնական կայքի և էլեկտրոնային կառավարման համակարգի հանդեպ ցուցաբերած Ձեր հետաքրքրության և ուշադրության համար:


Վստահ եմ, որ կայքում զետեղված տեղեկություններն ու տեղեկատվությունը Ձեզ հնարավորություն կընձեռեն լիարժեքորեն ծանոթանալու Վայոց ձորի մարզպետի ու մարզպետարանի աշխատակազմի գործունեությանը: Դուք անհրաժեշտ տեղեկություններ կարող եք ստանալ մարզպետի ընդունած որոշումների, մարզի սոցիալ-տնտեսական վիճակի, արտաքին հարաբերությունների, տեղական ինքնակառավարման մարմինների, մարզում իրականացվող զարգացման ծրագրերի ու մարզային ձեռքբերումների վերաբերյալ:
Հարգելիներս, մատչելի տեղեկատվություն ապահովելու նպատակով կայքում տեղադրված տվյալները պարբերաբար թարմացվում են: Կայքն այցելուներին էլեկտրոնային հարցման և քննարկման հնարավորություն է ընձեռում, ինչի շնորհիվ Դուք կարող եք անմիջական մասնակցություն ունենալ Վայոց ձորի մարզպետարանի պաշտոնական կայքի վարման ընթացքում տեղ գտած թերությունների հայտնաբերման, ինչպես նաև առավելությունների գնահատման գործում, որոնց վերաբերյալ Ձեր նկատառումները սիրով հաշվի կառնվեն:
Համոզված եմ, որ հետադարձ կապի նման հնարավորությունը կնպաստի մեր աշխատանքների ավելի արդյունավետ և թափանցիկ կազմակերպելուն:

Հարգանքով՝

ՀՀ Վայոց ձորի մարզպետ
Հարություն Սարգսյան


Եղեգնաձորի թիվ 1 մանկապարտեզի սաները Վայոց ձորի մարզպետարանում

2014 թվականի դեկտեմբերի 22-ին Եղեգնաձորի քաղաքային թիվ 1 մանկապարտեզի ավագ խմբի սաներ Անգելինա Գևորգյանին և Էլեն Բալիշյանին դաստիարակչուհի Աննա Բաբայանի ղեկավարությամբ հյուրընկալել էր ՀՀ Վայոց ձորի մարզպետ Հարություն Սարգսյանը: Փոքրիկներն իրենց ձեռքով պատրաստած ամանորյա շնորհավորական բացիկն էին բերել մարզպետին: Ինչպես նշեց դաստիարակը՝ բացիկը ձևավորվել է մանկարտեզում առաջացած թղթի թափոնի վերամշակմած նյութերով: Մարզպետ Հարություն Սարգսյանը սիրով ընդունեց և լսեց փոքրիկ հյուրերին, նշեց, որ քաղաքապետարանի հետ համատեղ կանեն հնարավոր ամեն ինչ մակապարտեզի աշխատանքներին օգնելու նպատակով: Երեխաները հանձնեցին գեղեցիկ ձևավորված բացիկը և արտասանեցին Նոր տարվան նվիրված բանաստեղծություններ: Մարզպետը շնորհավորեց երեխաներին, խնդրեց՝ իրենց ծնողներին, մանկապարտեզի բոլոր սաներին և աշխատակիցներին փոխանցել ջերմ բարեմաղթանքները: Նա շնորհակալություն հայտնեց կազմակերպիչներին:

22.12.2014

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2014-12-22 13:22:51